البيوت اللي على العز منهوضه=ما بنوها " رجال مشعل " على الفاضي
ربعي اللي بالمواجيب محظوظه= مدحهم مفروض في كل معراضي
دونهم بالشعر فتله ومنقوضه= وأتخيّر من حسينات الالفاضي
حاضر بحاضر والأحداث ملحوظه= ما تغطيها النقايض والانقاضي
والعوايد والتقاليد محفوظه= نربط الحاضر مع وقتنا الماضي
والتواصل والزيارات مفروضه= بيننا ونقوم بالواجب الحاضي
والقطاعة والخلافات مرفوضه= يرضي الزعلان ما يرضي الراضي
والمراجل للرجاجيل معروضه= دونها دروب طويلات وعراضي
من بغى الناموس يارد على حوضه= والردي يعرض عن الواجب إعراضي

صدق مـن يقـول ان المراجـل لهـا عُشـاق=وصدق من يقول أن للردي درب وعشاقه

"يا حـلاق .. خـذ موسـك وحـيـاك يـا حـلاق"=ترى حولـنـا بـعـض اللـحـى تبـغـي حـلاقــه

بعضهـا علـى شبـر وشنبهـا .. كـنـه مـعـلاق=وبعضهـا بـدون اشنـاب .. كنهـا ذنــب نـاقـه

خلقـهـا جلـيـل المـلـك سبـحـانـه الـخــلاق=علاقـه بوجـه اللـي قضى عمـره عـلاقـه

هـزيـل ليـاجـات المواجـيـب جــاه افـتــاق=وهـــو فالـمـجـالـس مـا يـخلي تـمـذلاقــه

يجيب الهـروج اللـي لهـا خاطـرك ينسـاق=واليـاجـات حــزات الـلـوازم نـقــل سـاقــه

وتكرم لحى أهل الطيب والديـن والاخـلاق=لـهــم رايـــة التـقـديـر والـعــز خـفـاقـه

فـكــم واحـــد ٍ للـوافـيـه والـوفــا ســبّــاق=مثـل " حامـد " الـلـي مجلـسـه يجـمـع رفـاقـه

على العود الازرق والشحم والدلال تساق=يا كـم نشمـي ٍ قـد شـرب منهـا عـلـى فـاقـه

" ابـن زهــره " الـلـي سمعـتـه غـطـة الآفــاق=كـريـم شـجـاع والتـواضـع مـــن اخـلاقــه